06 - 07只相差一個字

前日係06最後一天,同yan去左唱k,happy hour=3=
唱完想睇戲,點知想睇果套又未上咁就去映貼紙相
仲係果到遇到rainie,小王子同ling~好開心~呢d就係緣份啦XDDD如果唔係我唔識點行誤打誤撞去左果到就唔會見到佢地.....^^
不過因為有d唔舒服,所以映好多相都無咩表情,比小王子話我呆呢~~已經笑得好落力ga喇我orz"
之後回家姐在廳溫書,父母不吵我已經慶幸了,沒開電視,整個家也靜靜的
打左比你之後同一堆同學係msn開一個窗倒數,講講下野就由10跳到happy new year
咁不明不白就到左ge 07,06就咁就玩完lu...
今年生日同聖誕收左好多禮物,咭同埋短訊
但係開唔開心?我都唔知,我覺得好多人同事已經磨光我ge耐性
唔知由幾時開始一種很想不理所有人事的感覺緊跟著我
可能是考慮自己未來,現在
不想再想過去,它總是好的,卻使我愈望愈想念,只懂停留在現在

雖然搭火車走果時同你傾左好多野
但因為我的性格不像你,我給你的意見也許也只是我自己想堅持自己的信念

我知道我是一個比較狠心的人,不是我想要的愛我就不要,我曾經推開過幾個人,做不成朋友
在我的世界很簡單,也許我的愛恨也很簡單,才回收得這麼容易,不像你
就像我答你,我不去恨一個人已經是我的量度,何解還要去愛他
我不是神,不需要愛世人,應愛的就愛
一個人心只有一個,愛有幾重?可以分多少?
連自己也不能令自己快樂,憑什麼想別人帶快樂給自己?
世界不公平,為別人傷心,那人還可快活,這樣想的時候就會想對自己公平一點了

看了新聞,只知道每個家庭背後各自一個故事
對比自己的輕重
珍惜現在的,追求未有的,時間就是這樣過去

對於自己能力不足夠的不甘心在06年嘗了很多
放棄了很多,馬馬虎虎地過整個06
很忙但心不在,一切都變得不實在,勉強說有得著,卻不知道是什麼
認識的人愈來愈多,我不確定他們想要的是否如我所想的一樣
很想到一個沒有人認識自己的地方,在那地方迷路,再開始,像另一段生命
也許是幸福,卻也可能會寂寞
可是又有什麼大不了?一個人的寂寞其實就是寧靜...
我喜歡熱鬧只是更討厭熱鬧過後頭痛慾裂的感覺

過去的06...懷念哈迪斯ge薯圈.....
07...禁煙好,最好08禁晒

至於07有什麼願望?
雖然忘了,但大概其實還是和以前一樣吧
不快樂,人怎樣捱下去

琴晚睇左叱吒...好好睇,今年好feel到歌手之間ge友情同歌迷ge"良心"
我都係選左至尊金曲係愛得太遲XDDD不過最喜愛男女歌手就投左eason同千嬅^^
基仔今年隻碟真係好正...不過無法orz"e神太強啦~~~嘿嘿
軒仔同王宛之都好好~好開心軒仔拎創作人金獎....
不過andy同deep你地去左邊?快d+油下年希望再見你地......
一直都覺得林夕d詞係意思方面好過黃偉文,黃偉文的題材委氾濫是愛惰
在我聽來林夕一首已抵得上他十首的意思了
新城我唔喜歡睇,最喜歡睇叱吒,d DJ好鬼馬,最緊要係我覺得d歌手拎得好實至名歸
頒獎又唔係分豬肉= ="勁歌ge話可能會睇ge.....之不過無記又實係....