話說今日上畫,jc請我同ka去又一amc睇,同埋約左三個同學仔,6條友
一同二咁好睇,三又係結局,所以大家都覺得一定要去睇啦~
總知大家期望都幾大啦,無期待就奇喇,二個結尾咁令人奇想....
之不過,今集...
絕對係希望愈大失望愈大
johnny depp唔洗講啦,依然咁好戲,雀船長呢個角色我諗都可以列入經典了,其他演員也應記一功
特效依然無得彈,相信某d場面會令人好印象深刻ge,好似反船同漩渦果到都幾正
聲效保持到水準,音樂好好聽,不過反而無咩震撼感,只覺得柔和悅耳....比不上魔戒打仗時那種加埋配樂會有ge華麗ge感覺
以上已經是全套戲抵讚ge部份了orz"接著有批評,不喜請回
劇情....基本上講係尚可接受....但比較前兩部,坦白講就係慘不忍睹
不斷重複相信與出賣呢個主題
睇佢地邊個出賣左邊個丫邊個又join左邊個,加盟第二個同穿煲都快到&多到個腦load到有d累同悶="=
嘯風...同女海神..一個可有可無..一個就雷聲大雨點小
大家都對點救丫jack同點打低鬼船長呢兩個point最好奇
偏偏呢兩點劇情就最弱同最牽強
救得好似太易,英軍一堆船結果又無開打,女神仲無用過隻大海怪...唉,某part似鐵達尼某人與船共存亡我更唔想再提= =|||
可惜我仲幾like佢= =比佢最尾個痴呆樣破壞晒
笑位有成功有失敗,某d位明顯好多餘同冷場,一個笑話聽第二次已經大失趣味,同一類也如是
某女人kiss邊個,邊個都死Q晒,話唔係有咀咒我都唔信= =講真我入場係想睇海盜同海軍佢地各自背負ge命運同責任
而唔係言情小說 - 一個人見人愛搶住kiss ge女角
雖然呢部戲明sell陣容,特效
但係意思不足始終會令喜歡睇戲ge人意猶未盡
一開頭,個海盜仔年紀輕輕就被處死,的確係好殘酷,個位有touch到,可惜...戲中海盜之間再沒有令人有感動ge位,完全feel唔到佢地有友情之類果d,如果唔係有jack,我直頭覺得其實佢地係抵死= =
至於海軍..算啦= =鬼叫呢套叫魔盜王咩
如果比我再選擇,我依然會去睇,一定會捧jack場
不過如果大家都70蚊票價咁貴,要我再睇一次,我寧願選蜘蛛仔-3-
同樣都係大家覺得3不如2 ge戲...哈哈
魔盜王3能否超愈蜘蛛俠3..睇完d映評後大家各自盤算吧XP
ps,如果套套戲都係第一集好評如潮,第二集推上高峰,第三就令人大失所望ge話..大概戲迷會生不如死吧^^"..咁耐以黎,3集一系列都拍得咁好睇絕對非Lord ring莫屬了~但點都好啦Pirates of the Caribbean始終係值得一睇ge一個系列,呢點無容置疑
