其實我一直都有di後悔.....如果我無帶佢去睇獸醫o既話,佢可能唔會死得咁快.到底係醫生錯定係我錯?又或者其實邊個都無錯....有時會聽到一些人說"相信他的狗不會死",狗是比較長命,不過都只係十幾年,人都只不過係幾十年,倉鼠有三至四年,而烏龜有百幾年.
但係有邊個人想做隻龜?至少我唔想....
小露寶品種
我屋企旁邊有個山,佢死左之後我真係走上去埋左佢...然後,我上次去望下果時果度都長滿雜草吶,成個山坡都係草,可能我唔會再去ga喇,因為果度有人種左好多花,di花粉令到我好唔舒服,次次去都不禁想流鼻水吶.....
訓覺果時好得意
有人話唔需要為左佢咁做,但係我從來都無話過介意,好似有人講過,世界上無人天生係傻瓜,只有甘心做傻瓜的人.我係咪太傻?只不過係一隻倉鼠,點解都放唔低?我記得曾經有一個生命係我手裡面慢慢消失,睇住佢好似平時咁係我隻手到訓覺,只不過唔會再醒咁解...我無掂過死人,不過都應該會係咁....
雖然我唔係最稱職o既主人,不過至少我唔係某一種人.
第時有機會再養過吶......
AMBER劇本的創作,沿至一個詞叫"心愛"廖一梅講過,什麼是發自內心的感覺?是一個人的心臟的一種感情?情感是由大腦發出的其中一組指令,也許和心臟毫無關係,那什麼是心痛?心酸心悸心寒又該怎麼說?如果我的心臟移植到你的身上,其實我不會認為你就會喜歡上我喜歡的,因為之間沒有回憶,就根本不知道要喜歡他是因為什麼,又為了什麼.
至於後來高轅愛上小優,其實早已不是因為前心臟的主人喜歡所以也會愛了,時間流逝而記憶會聚積,而情感有所發生都只不過如此,然後隨著時間再流逝有過的記憶逐漸消失,情感不復存在都只不過如此.
我呀媽問過我,點解我可以成日走去玩唔溫書?點解睇唔出有咩壓力?其實好簡單,就係因為我選擇左一種會令自己過得比較快樂的生活方式.(似藉口多di=_=)
活下去是種悲哀,但活著本身卻不是.
所以今日我又會出去玩喇~反正mock完左....做番di自己心想做o既事啦!!!
